Чорабинии ҷашнии МИҲД ноҳияи Шоҳмансур ба муносибати 30-солагии таъсисёбии Қувваҳои Мусаллаҳ

Дар доираи таҷлил аз 30-юмин солгарди Рӯзи таъсисёбии Қувваҳои Мусаллаҳи Ҷумҳурии Тоҷикистон чорабинии фарҳангӣ-фароғатии МИҲД-и н.Шоҳмансури шаҳри Душанбе дар толори МТМУ 31-и ноҳия роҳандозӣ гардид.

Зимни суханронии масъулин таъкид шуд, ки “Қувваҳои мусаллаҳи Ҷумҳурии Тоҷикистон имрӯз ба як нерӯи тавоно ва кафили амнияти давлат табдил ёфтааст. Имрӯзҳо бо хизмати худ дар сафи артиши миллӣ, ҳар як сарбоз, дар назди халқу ватан кори пуршарафу масъулиятнокро анҷом медиҳад. Зеро ободию шукуфоии ин сарзамин, танҳо аз ҳамин хизматҳо сарчашма ва нерӯ мегиранд.”

Дар идома баҳри хизмати содиқона ба халқу Ватан аз ҷониби МИҲД-и н Шоҳмансур ба собиқадорони меҳнат ва фаъолон сипосномаву туҳфаҳо тақдим гардид. Ин вохӯриву чорабиниҳо баҳри тақвият бахшидан ба ҳиси меҳанпарастии ҷавонон, садоқат ба Ватан, қадршиносии хизматҳои содиқонаи афсарону сарбозони ҷузъу томҳои Кувваҳои мусаллаҳ ва собиқадорони соҳа мебошад.

Дар идома барномаи идонаи консертӣ, ки аз суруду таронаҳои ватандустдорӣ ва сулҳу суботи кишвар иборат буд, хотири ҳозиринро шод намуд.

Теҳрон Файзов
"ТВ Душанбе"