ДАР НОҲИЯИ СИНОИ ШАҲРИ ДУШАНБЕ ИҶЛОСИЯИ ҲАФТУМИ МАҶЛИСИ ВАКИЛОНИ ХАЛҚ БАРГУЗОР ГАРДИД

Дар ноҳияи Синои шаҳри Душанбе иҷлосияи ҳафтуми Маҷлиси вакилони халқи ноҳия, даъвати ҳафтум, баргузор гардид.

Дар ҷараёни иҷлосия масъалаҳои муҳими рушди иқтисодию иҷтимоии ноҳия мавриди баррасӣ қарор дода шуданд.

Аз ҷумла, масъалаи сари вақт омода намудани соҳаҳои иқтисодиёт ва иҷтимоиёти ноҳия барои фаъолияти мунтазам ва самарабахш дар давраи тирамоҳу зимистони солҳои 2026–2027 баррасӣ гардид.

Ҳамзамон, масъалаи арзёбии татбиқи стратегия ва барномаҳои давлатӣ дар соҳаи кор бо занон ва оила, баланд бардоштани нақши занон дар ҳаёти иҷтимоию сиёсӣ ва таъмини иҷрои нақшаи чорабиниҳои мақомоти иҷроияи ҳокимияти давлатии ноҳияи Сино дар ин самт мавриди баррасӣ қарор гирифт.

Дар идомаи иҷлосия масъалаи тасдиқи қарорҳои Раиси ноҳияи Синои шаҳри Душанбе низ баррасӣ гардид.

Аз рӯйи масъалаҳои рӯзнома қарорҳои дахлдор қабул карда шуданд.