ИШТИРОКИ ҲАЙАТИ ШАҲРИ ДУШАНБЕ ДАР ДУЮМИН МУКОЛАМАИ МИНТАҚАВӢ ОИД БА УСТУВОРИИ ШАҲРҲО

19 октябри соли 2026 ҳайати Мақомоти иҷроияи ҳокимияти давлатии шаҳри Душанбе таҳти роҳбарии муовини Раиси шаҳри Душанбе Саломзода Раҳмиддин дар дуюмин Муколамаи минтақавӣ оид ба рушди шаҳрҳо, ки дар шаҳри Тошканди Ҷумҳурии Ӯзбекистон баргузор гардид, иштирок ва суханронӣ намуд.

Зимни суханронӣ Саломзода Раҳмиддин Салом аз иқдомоти амалишуда ва дурнамои рушди устувори шаҳри Душанбе таҳти роҳбарии Раиси шаҳри Душанбе муҳтарам Рустами Эмомалӣ ёдовар шуда, иштирокчиёни чорабиниро ба таҳкими ҳамкориҳои муштарак, инчунин табодули таҷриба ва донишҳои нав дар самти баланд бардоштани устувории шаҳрҳо ба тағйирёбии иқлим даъват намуд.

Дар фарҷоми чорабинӣ «Протокол оид ба ҳусни ният дар масъалаҳои таҳкими ҳамкориҳои байниминтақавӣ дар соҳаи баланд бардоштани устувории шаҳрҳо ба хавфҳои офатҳои табиӣ ва тағйирёбии иқлим» ба имзо расид.